Битолскиот хор “Триглав“ настапи на “Прешернов ден“ во Охрид (фотогалерија)

Со свечен концерт на хорот на СЗ ”Триглав” од Битола, кој се одржа во ОМУ “Методи Патче“ е одбележан словенечкиот културен празник “Прешернов ден“ во Охрид.Хорот “Триглав“ концертот го одржа под уметничко раководство на проф. Марина Коруновска и во пијано придружба на м-р Александра Јанковска.На концертот се обрати и амбасадорот на Репубика Словенија, Н.Е. Милан Јазбец, како и претседателката на СЗ “Триглав” Тања Франц.Хорот е формиран во 2010 година и покрај редовните настапи во државава и во Словенија настапувал и во Србија, а посебно забележителен е концертот во Виена минатата година.Оваа година се подготвуваат за два концерти во Хрватска и Словенија, а сите настапи се остварени со поддршка на канцеларијата на Владата на Словенија за Словенците во соседството и по светот.