Центарот за развој на Пелагонискиот плански регион во рамките на проектот “Одржлив и инклузивен рамномерен регионален развој“ кој е финансиран од страна на Министерството за локална самоуправа и Швајцарската агенција за развој и соработка го реализацира вториот циклус на Регионални форуми на тема: Социјална инклузија.
На третата форумска сесија учесниците на работните групи пред сите учесници на форумот имаа можност да ги презентираат предходно предложените идеи кои во претходниот период беа работени и формулирани согласно со правилата на грантовата шема.
По презентацијата, форумот ги рангираше сите предложени идеи од кои трите со најдобар резултат продолжуваат понатаму во процесот на апликација:
-Инклузивен и одржлив развој без бариери – адаптација и реконструкција на студентски дом.
-Воспоставување на мобилна логопедска поддршка за деца со предизвици од рурални и урбани средини.
-Мултифункционален регионален центар за социјална инклузија.
Од страна на комисијата на донаторот ќе биде избран еден предлог проект, кој ќе биде имплементиран од Центарот за развој на Пелагонискиот плански регион.
