Во постојан контакт и со одредени насоки за координирано делување се градоначалничката на Општина Битола Наташа Петровска, директорката на Клиничка болница Битола Билјана Гагачова, директорката на Центарот за јавно здравје Елизабета Крстева и директорката на Домот за народно здравје „Хаим Абраванел“, Весна Спирковска. Во координираните активности се вклучени и други институции, надлежни за безбедноста во градот.
Во меѓувреме, општината уште еднаш апелира до граѓаните да ги почитуваат сите препораки и законски обврски дадени од страна на Владата на Република Северна Македонија, кои секојдневно ги пренесува министерот за здравство Венко Филипче. Среќна околност е што тестираното лице од Битола е негативно, но во овој период мора многу да се внимава и сите заедно, одговорно да се однесуваме.
Воедно, општината упатува апел и до сите добронамерници, да не настапуваат волунтаристички, односно неорганизирано и да не ја искористуваат ваквата состојба за популизам.
За секоја новонастаната состојба, или други преземени мерки од страна на Општина Битола, граѓаните ќе бидат навремено известени.
