Еурофарм Пелистер по стартот во Битола подготовките ќе продолжи од 20 до 30 јануари во Пореч, Хрватска. Клубот од Битола ги дефинира сите детали околу десеттодневните подготовки и деновиве ќе биде познат и комплетниот календар на пријателски натпревари кои таму ќе ги одиграат.
Еурофарм Пелистер од Битола за престојната пролетна полусезона кога ќе има настапи во Евро Лигата, СЕГА лигата и домашниот плеј-оф, ќе спарингува со најдобрите балкански екипи од Хрватска и Словенија. Со оглед на тоа што во близина ќе се подготвуваат и Нексе Нашиве, Загреб, Целјње, Тримо Требње овие екипи ќе бидат ривали на тимот од Битола во Пореч.
Предвидени се пет контролни натпревари, а во Битола “пелистерци“ ќе се соберат на осми јануари, а колку ќе ги има на стартот зависи од бројот на повикани ракометари на Еурофарм Пелистер во евро-квалификациите и на Светското првенство.
