Пелистер – Силекс 3.2 (2:2)
Со победата во Битола, под Тумбекафе, екипата на Пелистер може слободно да се каќе дека го има обезбедено опстанокот во Првата лига, а победата е извојувана во 27. коло, во одличен натпревар во кој сите фудбалери одговорија на задачите на тренерот Капинковски.Ладен туш за сите под Тумбекафе во третата минута кога Ѓорѓиев го избегна блокот и биеше по земја, а топката мина под раката на Талески за 0:1. Потоа следуваше ударот на Мустафов кога ја здрма пречката од голот на Пелистер. Во 18. минута поништен гол на Ивановски, а по две минути Тантуровски ефектно со глава погоди за 0:2.Екипата на Пелистер од два прекини се вратија во натпреварот. Прво во 23. минута Гудиаби центрираше од слободен удар, а капитенот Драгарски со глава намали на 1:2. Во 30. минута по корнерот на Фазлиу Илијоски со глава од пет метри израмни на 2:2.Второто полувреме започна со супер-шанса на кратовчани, кога Илијоски во последен момент со лизгачки старт спречи чист погодок на кратовчани. По одличниот период на Силекс, Капинковски ги стави во игра Танушев и Нето. Нето ја донесе победата на Пелистер, откако во 70. минута истрча спринт со проектил ја “скина“ кратовската мрежа, за конечни 3:2.Со оваа победа Пелистер се искачи на седмата позиција на табелата со 35 бода, дури шест повеќе од Силекс кој е деветти.