Екипата на Еурофарм Пелистер од Битола утре во “Автокоманда“ во Скопје ќе игра во финалето од Купот против Вардар, откако вчера убедливо и лесно ја победи екипата на Бутел, со +16 (23:38), што ќе биде и мотив повеќе за “пелистерци“ во борбата за големиот Куп пехар.
Бекот на Еурофарм Пелистер, Марио Танковски по одлично тактички и на терен одиграно полуфинале, за тоа шти ги очекува “пелистерци“ во финалето против Вардар вели:
-Според резултатот минавме лесно, ама натпреварот не беше таков. Се потрудивме да го добиеме овој меч и во првото полувреме беше многу тешко. Во вториот дел нашата подолга клупа одлучи, Бутел играше со мал ростер и “падна“. Сега следи Вардар и мора против нив да бидеме подобри од првиот меч во плеј-офот. Во Скопје бевме многу лоши и во напад и во одбрана, мислам дека ќе бидеме подобри и ќе го донесеме трофејот во Битола.
