Со д-р Васил Чипуровски, претставувајќи ја специјалистичката интернистичка ординација “Д-р Чипуровски“ во Битола, информираме болестите кои се откриват со најсовремени апарати во медицината за прегледи на внатрешните органи, кои ги поседува. Низ овие разговори добиваме и стручни медицински информации за многу интернистички заболувања и нивно откривање и понатамошно третирање. За истите постои голема заинтересираност.
Овој пат д-р Васил Чипуровски зборува за хепаталните или црнодробни вени, за што вели:
-Хепаталните или црнодробни вени претставуваат крвни садови кои се формираат од помалите вени во црниот дроб и ја транспортираат деоксигенираната крв од црнодробниот паренхим во инфериорна вена кава-IVC. Три се хепаталните вени десна, лева и медијална се прикажуваат на ехо на црниот дроб во субкостален кос пресек со дијаметар до 6 мм.
Во случаи на хронична срцева слабост, пулмонален емболизам, констриктивен перикардитис често настанува стаза со застој на дренажа на крвта од црнодробниот паренхим преку хепаталните вени и развивање на хепатомегалија со хипоехогеност на црниот дроб и дилатација на хепаталните вени над 6 мм како и лабораториски зголемени LDH, AST,ALT.
Лекувањето е најчесто етиолошко во зависност од причината.