Press "Enter" to skip to content

Во новото кино “Манаки“ одбележана 100 годишнината од првата прокеција на браќата Манаки

Со проекцијата на документарнот филм ,,Манаки – приказна во слики“, на Роберт Јанкулоски, синоќа во салата на “Кино Манаки“, кое се наоѓа на Широк Сокак, во Битола,  беше одбележана 100 годишнината од првата кино проекција на браќата Манаки, одржана во летна кино бавча. Градоначалничката на Битола, Наташа Петровска истакна дека овој значаен датум за градот Битола се одбележува скромно поради ковид мерките и актуелните околности.-Настанот го одбележуваме искрено, со длабока љубов. Означуваме почеток на нешто во кое ќе имаме можност за нови проекции кои што ќе зборуваат за низа моменти што се случувале во изминатите 100 години во кои дишел овој град, ќе зборуваме и за сегашниот момент и за оние кои што следуваат, затоа што Битола отсекогаш била и засекогаш ќе биде лулка на културата, град во кој што се случуваат низа културни настани, а дел од нив ќе бидат и во ова катче кое што го направивме. Како локална самоупрата вложивме 300.000 евра за да имаме технички современо опремен и адаптиран простор, кој ќе ги следи современите текови и ќе биде можност да се гледаат сведоштвата на она што се случува во нашиот град. Она што како градоначалник го посакувам е што побргу да заврши глобалната пандемија, за да катадневно се случуваат културни настани, кои што заедно со новата културна институција, но и со останатите културни институции во градот, ќе овозможат културно да живееме и опстојуваме во следниот период, истакна градоначалничката Наташа Петровска непосредно пред проекцијата на филмот ,,Манаки – приказна во слики.Директорката на КИЦ Битола Сандра Котевска, осврнувајќи се на делата на браќата Јанаки и Милтон Манаки, истакна дека по првата кино проекција, две години подоцна, браќата ја изградиле првата наменска кино сала, која, за жал, постоела до 1939 година кога е уништена од пожар.

-Денес, во нивна чест со цел да се зачува од заборав нивното име и дела, исклучително значајни за градот Битола, но и за целиот Балкан, ја одбележуваме таа прва проекција од која поминал точно еден век. Благодарение на градоначалничката Наташа Петровска, Општина Битола преку проектот „Кино култура“ финансиран преку ИНТЕРЕГ ИПА програмата за прекугранична соработка помеѓу Република Грција и Република Северна Македонија, оваа реконструирана кино сала ја ревитализираа и целосно ја опремија со најсовремени техничко технолошки перформанси од највисоко ниво. Со ова градот Битола, доби уште еден културен објект кој претставува симбол за непроценливата важност за воспоставување, одржување и афирмација на културниот континуитет од минатото до денес-како најфундаментална инвестиција за иднината, рече директоркат ана КИЦ Сандра Котевска.

More from ВестиMore posts in Вести »
More from КултураMore posts in Култура »