Деновиве пред 10 години: прв официјален фудбалски натпревар под рефлектори, го одигра ЖФК Топ гол (фото)

-Во мојата новинарска кариера има пишувано и регистрирано настани од спортот во Битола за кои може да се рече дека се историски и дека биле  први по нешто, а пред 10 години имам регистирано дека во Битола се одиграл првиот официјален фудбалски натпревар, ноќе под рефлектори, започна со своите сеќавања Димче Миновски, хроничар на Битола и доајен на битолското спортско новинарство. -Првиот фудбалски официјален натпревар, во ноќен термин, и под рефлектори е одигран во Битола пред точно десет години, на стадионот “Павел Шатев“ или како што битолчани го знаат овој терен, “Ќумурното“, вели Миновски и додава:-Честа да го одиграат овој фудбаски историски натпревар ја имаа фудбалерките на Топ гол кои во пелагониското дерби, против екипата на прилепска Победа. Екипата на Топ гол ја водеше Кире Грбевски, кој и денес е на таа фунција во “неговиот“ клуб, инаку син на Цане Грбевски, познат поранешен фудбалер на Пелистер. На натпреварот победија битолчанките со 1:0. Овој стадион кој е омилен кај битолчани од секогаш. Тука порано тренирале фудбалерите на Пелистер, играа фудбалерите на Транскоп, а тука се одигруваа натпревари од многу популарната градска лига.Стадионот во 2011 година беше комплетно реновиран, а покрај нов терен се изградија соблекувални и трибини, и се поставија рефлектори. Потоа по неколку години на “Кумурното“ имаше нова реконструкција, природната трева беше заменета со вештачка трева, а тука се одигруваат натпревари од Првата фудбалска лига, од Втората фудбалска лига, општинските лиги…-За помладите да појаснам од каде името “Ќумурно“. Теренот порано наместо трева имаше некоја црна згура, за која некои велеа дека е пепел која останувала од некој котел. Таква згура имаше и околу поранешниот фудбалски терен на војската, во Касарната, кој се наоѓаше на местото каде сега се изгради мал трговски центар, вели Миновски.