Екипата на Пелистер од Битола продолжува со потезите со цел доекипирање со една цел, да се оствари за многумина невозвожното, опстанок во Првата лига, а денес претставија уште едно засолување, во името на Петар Љамчевски, кој замина во 2020 година, во Гостивар, па во Туквеш, и од Вардар доаѓа во Битола.
Љамчевски има 30 години и уште денес му стави на располагање на новиот стратег на Пелистер, Марјан Секуловски, а ова е четврто име за неколку дена. По потпишувањето на договор, пред првиот тренинг на Љамчевски во Пелистер рече:
-Му благодарам на Вардар што ми овозможи да се вратам во Пелистер. Му посакувам многу среќа и што поскоро да се врати во Прва лига. Што се однесува на Пелистер, мислам дека ништо не е загубено. Со уште неколку засилувања можеме да бидеме конкурентни. Секој натпревар за нас ќе биде финале. Се надевам дека ќе успееме да стигнеме до баражот и да останеме во елитата.
