Press "Enter" to skip to content

Со концерти на три бенда во Градскиот парк заврши “Битола отворен град“ (фотогалерија)

Синоќа во Битола, послед полноќ, во градскиот парк во Битола по одржување на три концерти, заврши годинашното 21. издание на фестивалот “Битола отворен град“, кој го организира Младинскиот културен центар од Битола.Трите бенда кои се претставија пред битолската млади публика во паркот ним им понудија нешто ново во овие летни горештини, а младите уживаа во убава летна журка на отворено. Најпрво во Битола концеет имаше битолската група “ВЕЛ“, која понуди нешто повеќе за битолчани, а потоа следуваа “БAiLDSA“ од Солун. Главни ѕвезди на “Битола отворен град“ беа групата “Helem Neјse“ од Сараево, Босна и Херцеговина. “Helem Neјse“ е хип-хоп музичка група која е создадена во 2014 година, а во неа се Адмир Чулар – Чика Гатара, Амер Чанковиќ – Стихомир Клепиќ и Тихомир Радиќ – Тоши Домачин. На платформата “ју-туб“ имаа милионски прегледи, а најголема популарност добиваат по објава на песните “Кабадахија“, “Пионирка“ и “Босниа“. Имаат и свое радио студио.Низ нивните песни преку сатира ги третираат политичко-социјалните проблеми од секојдневието. До сега имаат објавено и три албуми “Го у гостима“, “Пола човек, пола један“ и “Глутен таг“.Интернационален младински арт фестивал во организација на Младински културен центар- Битола, кој е во рамките на Битолското културно лето “Бит фест 2022“.