Во библиотека “Св. Климент Охридски“ во Битола во организација на Центарот за образовни и развојни иницијативи “Инова лаб“ од Битола и со поддршка на Комисијата за еднакви можности на Општина Битола се оддржа тркалезна маса на тема “Предизвиците на жените претприемачи и менаџери од Битола“, како дел од проектот “Локално партнерство за економско јакнење на жените“, чија цел е поттикнување на жените од Битола за искористување на сопствениот потенцијал и придонес во заедницата преку локално партнерство, поддршка и вмрежување.Настанот се одржи во присуство на 33 жени претприемачи и менаџери од приватен, јавен и граѓански сектор, како и поддржувачи на женското претприемништво, кои што зборуваа за предизвиците и можностите во нивното работење.
Воведни излагања на темата имаа 7 жени од приватен, јавен и граѓански сектор, и тоа: претседателката на Советот на Општина Битола и претседателка на Комисија за еднакви можности, Габриела Илиевска, претседателката на “Инова лаб“ – Елизабета Тошева, проектниот координатор и модератор на настанот – Моника Ангелоска Дичовска, координаторката за еднакви можности, Општина Битола, Анита Ангелевска, сопственичката и менаџерката на Пзу “Лаб Про Дентал“ – Билјана Врцал Ванчевска, претседателката на “СУМНАЛ“ здружение за развој на ромската заедница – Фатма Бајрам Аземовска и раководителката на Центарот за вработување од Битола – Јешим Сефуловска.
Излагањата и дискусијата креираа позитивна и инспиративна атмосфера, со вмрежување и планови за идни активности.
![](https://i0.wp.com/bitolanews.mk/wp-content/uploads/2022/12/korzoo-6.jpg?fit=1000%2C547&ssl=1)
33 битолчанки учеснички на тркалезната маса “Предизвиците на жените претприемачи и менаџери од Битола“ (фото)
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)