Деновиве пред 10 години: два дена Битола беше миросана и се претвори во голема црква (фотогалерија)

Пред 10 години, на крајот на мај, Битола се претвори во голема црква, Битола беше во молитва за светецот св. Николај – Чудотворец, чиј мошти од Бигорскиот манастир беа донесени од страна на архимандритот на Бигорскиот манастир, Партениј, и неговите свештенослужители, а верниците имаа ретка прилика да бидат миросани, започна со своите сеќавања Димче Миновски, хроничар на Битола и доајен на битолското новинарство.Свештениците кои ги имаше во голем број ја поведоа литијата, илјадници битолчани ги следеа до параклисот на овој светец, кој се наоѓа кај “Гроздот”, каде што била црквата “Св.
Никола“, урната за да се изгради станбениот комплекс, а битолчани со молитва настојуваа да се доближат до архимандритот Партениј и да ги допрат моштите на заштитникот на “неговиот“ манастир.И наредниот ден Битола се продолжи со свеченостите, откако верниците во црквата “Св. Никола“ во населбата “Боримечка“ цела ноќ ги целуваа и бдееја пред моштите на светецот. Со овие настани два дена Битола се претвори во голема црква и на сите страни одекнуваше молитвата на верниците за големиот светец.Благодарние на архимандритот Партениј и владиката на Преспанско-пелагониската епархија г. Петар, Битола ја имаше таа несекојдневна чест да ги пречека моштите на нашиот светец Св. Никола, еден од најпознатите светци во христијанството. Исклучителен ден, којшто нашите верници вечно ќе го паметат, бидејќи ретки се приликите да се чуваат моштите на светецот св. Николај – Чудотворец, рекоа тогаш свештениците.