Ал Ахли – Еурофарм Пелистер 34:23 (15:11)
Еурофарм Пелистер – Ал Ахли 23-34 (11-15)
Гледачи: 1.000
Судии: Недим Арнаутовиќ и Александар Јовиќ (БиХ)
Еурофарм Пелистер: Лесјак, Гедбан, Кизиќ, Цехте 5, Кузманоски 2, Тајник 2, Кисум, Борзаш, Танкоски 2, Костески 4, Нилсен 5, Петровиќ 1, Ѓорговски 1, Васиљев 1, Пешевски 1, Пет. Атанасијевиќ, Пав. Атанасијевиќ, Стевсновиќ
Ал Ахли: Шериф, Рамадан, Р. Мохамед 5, Т. Абделтахман 1, И. Абдел Азис 1, М. Абдел Азис 1, А. Абделрахман, Каири 1, Сами 6, Ел Масри, Ласлин 2, М. Мохамед 2, Јасер 2, Хешам 8, Ахмед 3, И. Мохамед, Калед 2
Екипата на Еурофарм Пелистер од Битола, македонскиот ракометен шампион со пораз стартуваше на “ТВ турнирот на шампионите“ во Добој, поразен е од египетскиот првак Ал Ахли со 34:23, полувреме 15:11, кој заслужено победи.
Тимот од Битола не успеа во ниту еден момент да ја анулира предноста на ланскиот освојувач на овој турнир, кој имаше водство во текот на целиот натпревар. Почетокот на натпреварот не донесе ефикасна игра, а по осум минути беше 2:2. Ал Ахли потоа поведе со 5:3 и 7:4. Првото полувреме заврши 15:11 за египјаните. Со иста игра и движење на резултатот се продолжи и во второто полувреме, за крај на натпреварот -11 за “пелистерци“.
Утре Еурофарм Пелистер ќе игра против домаќинот Слога Добој од 15:30 часот.
