Македонскиот ракометен првак Еурофарм Пелистер од Битола од вчера се наоѓа во Сакарија, Турција, каде ќе учествуваат на “Турнирот на пријателството“ заедно со екипите на Веспрем – Унгарија, Војводина – Србија и Мешков Брест – Белорусија.
Во тимот на Еурофарм Пелистер ќе ги нема Кисум и Суси кои во Битола, а заедно со тимот ќе биде и Богдан Радивојевиќ кој во вторникот им се приклучи на тимот.
Турнирот ќе се игра на први и втори септември, по принципот полуфинале и финале.
Денес, со почеток во 19 часот, во полуфиналето, Еурофарм Пелистер ќе се сретне со силниот Веспрем, додека Војводина ќе ги одмери силите со белорускиот претставник, Мешков Брест, а за утре се планирани натпреварите за пласман.
Еурофарм Пелистер со учеството на овој турнир ќе ја заврши финалната фаза од подготовките за новата сезона, за успешен настап на домашниот шампионат, Купот и Суперкупот, во СЕХА лигата и во Лигата на шампионите на ЕХФ.