Деновиве пред 10 години: конзулите на Македонија во странство во Битола (фото)

-Пред 10 години,  во октомври 2013 година ннвестициските можности кои ги нуди општина Битола, беа претставени пред 35 конзули на Македонија во странство, на работна средба која овозможи поголема промоција и афирмација на општина Битола, а истовремено отвора и перспективи за понатамошен економски развој, започна со своите сеќавања Димче Миновски, хроничар на Битола и доајен на битолското новинарство.-Битола беше почестена што ја посетија на Битола и беа запознати со најосновните работи и сите проекти кои што ги подготвувавме сите овие години наназад со детални урбанистички планови. Дел од конзулите веќе и самите покажаа интерес за условите за купување на земјиште и градење, затоа што дел од нив се и бизнисмени, а со тоа се создаваат услови за зголемување на бројот на инвеститори во општина Битола, вели Миновски.За гостите беше прикажана и видео презентацијата со неколку најзначајни проекти за општина Битола предизвика голем интерес кај присутните конзули кои веќе ги покажаа своите импресии од владините програми, а дел од конзулите тогаш покажаа интерес за развивање на својот бизнис во нашата држава.Ова беше вториот самит организиран од министерството за надворешни работи на кој беа присутни над 30, што значи дека Македонија се развива не само на економски план, туку се зголемува и бројот на почесни конзули, што е многу важно, затоа што, колку повеќе почесни конзули се соочуваат со предностите на оваа земја, толку повеќе промотори имаме надвор од земјата, беше речено тогаш.Работна средба продолжи со прошетка низ Широк сокак во Битола и запознавање на гостите со големото културно историско богатство на градот.