Меѓународен ден на студентите на УКЛО Битола одбележан со спортски турнири (фотогалерија)

Во рамки на одбележувањето на 17 Ноември, Меѓународниот ден на студентите, на Универзитетот “Св. Климент Охридски“ во Битола  се одржаа традиционални Универзитетски спортски турнири во пинг-понг, шах и пикадо.Покрај 50 –ната студенти, професори и вработени од единиците на УКЛО, во натпреварите се вклучија неколку спортски клубови: пингпонгарскиот Пeлистер и шаховскиот, Шах – Шех и за прв пат со поддршка од Општина Битола.Универзитетските спортски турнири завршија со доделување медали и дипломи за најдобрите и благодарници за сите учесници, што ги додели проректорката за студентски работи, проф. д-р Јасмина Буневска – Талевска.По повод на настанот и масовниот одзив на турнирите, таа ја потврди определбата и подготвеноста на Универзитетот „Св. Климент Охридски“ – Битола да делува во насока на континуирано унапредување на студентските права и студентскиот стандард кои вклучуваат и манифестации од спортско – рекреативен и воопшто социјално – инклузивен карактер.Универзитетските спортски турнири во пинг-понг, шах и пикадо се одржаа во Студентскиот информативен центар на УКЛО.