Ракометниот клуб Еурофарм Пелистер од Битола постигна договор со Бранислав Ангеловски да остане на тренерската позиција до крајот на сезоната, а со тој договор не е веќе привремен тренер.
Еурофарм Пелистер преку соопштение ја информира јавноста за тоа дека му даде довербата на Ангеловски во кое се вели:
-Улогата на тренер во нашиот тим целосно му е доверена на Бранислав Ангеловски, така да повеќе нема да ја извршува улогата на привремен, туку на перманентен предводник на екипата. Тој се обврза на договор до крајот на сезоната и утре од 16:00 часот ќе одржи прозивка за вториот дел од сезоната. Ангеловски активно ја извршуваше улогата на спортски директор, а по заминувањето на Александар Јовиќ и Звонко Шундовски од тренерската позиција, во ноември и декември минатата година ја водеше екипата на четири натпревари од Лигата на шампионите и неколку натпревари од Суперлигата и Купот на Македонија. Првиот официјален натпревар во 2024 година Еурофарм Пелистер ќе го одигра против Вардар 1961 во првото коло од плеј-офот на Суперлигата. Првиот европски натпревар е на 14 февруари 2024 година против ПСЖ.
Ангеловски по оставјата на Шундовски и разрешувањето на Јовиќ седна на тренерското столче на Еурофарм Пелистер.