Деновиве пред 10 години: тркалезна маса за спречување на насилството на спортските терени (фото)

За разлика од сега пред дест години мошне актуелна тема беше насилството на спортските терени по неколку инцидентите кои се случија тогаш. Па така во  таа насока за спречување на насилството на спортските терени во Битола се одржа  тркалезна маса, започна со своите сеќавања Димче Миновски, хроничар на Битола и доајен на битолското новинарство.Претставници на Ракометниот клуб Пелистер од Битола, на СВР – Битола, спортските клубови од Битола, навивачката група “Чкембари“ и претставници на медиумите, меѓу кои и јас, реализираа тркалезна маса во врска со измените на Законот за спречување насилство и недостојно однесување на спортски натпревари.По одржувањето на тркалезната маса се донесоа повеќе заклучоци од кои произлегоа иницијативи како што се интензивирањето на соработката помеѓу полицијата, спортските клубови и навивачите со цел спречување на насилството на спортските натпревари, потоа околу иницијативата Националното координативно тело за спречување насилство да се прошири со претставници од регистрираните навивачки групи во Македонија, се со цел намалување и спречувањето на насилството.Беше нотирано дека посебно внимание треба да се посвети на натпреварите од повисок ризик, при што би се одржувал состанок еден ден пред натпреварот и пред самиот почеток, на кој би присуствувале и претставници од медиумите и јавно да се апелира и повика на
фер и спортско навивање без насилство.