Леа Бошевска од Битола балканска шампионка во кик-бокс во категоријата кик-лајт

На Балканското првенство во Кик бокс, кое се одржа викендов во Бар, Црна Гора, од македонската кик-бокс репрезентација учествуваше со 36 репрезентативци во различни дисциплини и категории.Леа Бошевска од кик бокс клубот Самурај од Битола настапи во дисциплината кик-лајт сениори – 50 кг. Најпрво во доминантна борба во полуфиналето со 3:0 ја совлада Турската репрезентативка Зејнеп Тургул Гулчан, додека пак другиот ден во финалето ги вкрсти ракавиците со Бугарската репрезентативка Мариа Јанева, која исто така ја победи со 3:0, покажувајќи надмоќ во сите три рунди.–Бошевска како балканска шампионка не застанува тука, започнуваме со жестоки подготовки за Европското првенство кое ке се одржи оваа есен, на кое Леа ќе атакува кон врвот на Пиедесталот, ни изјавија нејзините тренери, Тони Бошевски и Гордана Цветковска Бошевска.