Трет фудбалски турнир “Борис Венгер“ во Поешево (фото)

На стадионот на фудбалскиот клуб Поешево во село Поешево се одржа третиот по ред фудбалски турнир “Борис Венгер“ кој го организа неговиот клуб, во чест на прерано починатиот тренер Борис Петковски. На овој турнир на ревијалниот натпревар учествуваа покрај домаќинот екипата на Поешево, и тим во кој играа поранешни играчи на Поешево, од неколку генерации.На почетокот на турнирот уесниците и гостите се потсетија кој беше Борис Петковски, легендарен тренер на фудбалскиот клуб Поешево, кој сите во опптинските лиги и пошироко, едноставно го нарекуваа “Борис Венгер“. –Овој фудблалски турнир го организираме во чест на големиот вљубеник во фудбалот, тренерот на фудбалерите од Поешево, носител на сите активности за фудбалскиот клуб од нашето село, кој за жал прерано почина. Ние во знак на почит и сеќавање за него и неговото дело, кое беше големо за фудбалот во село Поешево, и заради тоа што беше наш голем пријател и поддржувач, го организираме овој турнир, трет по ред, знаеме дека не е голем, но за нас кои сме тука на теренот во Поешево, е огромен, бидејќи сите се присетуваме на еден голм човек, вљубеник во фудбалот, ни рече Тони Мицевски.Гости на турнирот беа Митко Стојковски и Ванчо Мицевски претставници на ФК Пелистер, поранешниот тренер Кире Груевски – Чарлино и други пријатели на Борис Петковски.Пред почетокот на натпреварот делегација од ФК Поешево положи цвеќе на неговото вечно почивалиште, а сите потврдија дека нема да го заборават и дека и во иднина на ваков начин ќе му оддаваат почит.