Кошаркарите на Пелистер од Битола денес играт натпревар на домашен терен против Тиквеш, 18.30 часот, сала „Боро Чурлевски“ во Битола. Целта е и повеќе од јасна, да се стигне до триумф што би бил четврти во низа за битолските „зелено-бели“, за успешен крај на 2024 година и најава за уште подобри резултати во годината што следи.
-Ова е последен меч во Битола за нас оваа календарска година, секако мотив плус со победа да завршиме и да влеземе во добро расположение во новогодишната пауза. И покрај големите падови што ги имавме во првиот дел од сезоната, успеавме со добри игри овој месец да се пробиеме при самиот врв на табелата, наша желба е да продолжиме во ист ритам“, истакнува Бобан Стајиќ, плејмејкерот кој е еден од најдобрите поединци во тимот на Пелистер во досегашниот дел од сезоната.
Битолчани ќе ја имаат фаворитската улога против Тиквеш, но Стајиќ предупредува дека овој ривал никако не смее да биде потценет.
