Денес на пладне во Битола пред спортската сала “Боро Чурлевски“ беа пречекани младите ракометари на Еурофарм Пелистер кои по двете победи во Букурешт, Романија обезбедија пласман во завршницата Ф4 во Келн Германија.
Младите ги пречекаа стручниот штаб и сите ракометари на Еурофарм Пелистер кои го прекинаа тренингот и му ја укажаа честа која младите ја заслужија.
Младите ракометари ги пречека и градоначалникот на Битола, Тони Коњановски, кој на тренот Кире Марковски и ракометарите им го честита пласманот во Ф4 и им порача дека очекуваат од нив борба како во Букурешт и големиот пехар од Германија да допатува во Битола.
Скромите младинци, многу возбудени од победите, пласманот и секако од дочекот во Битола одговорија на пораката “Сакаме титула“, дека нема предавање во Келн, уште на првиот натпревар против врсниците од Веспрем тоа ќе го докажат. 
