Младинците на Еурофарм Пелистер од Битола го дознаа ривалот за полуфиналето на Лигата на шампионите. Битолчани со триумфот на турнирот во Букурешт каде ги доби домаќинот Динамо и полски Киелце избори пласман на Ф4 во Келн каде ќе учествува на 14 и 15 јуни.
Денеска „зелено-белите“ го добија противникот, а тоа е ГОГ Гудме од Данска, состав кој пак славеше на турнирот што беше одржан во Берлин каде ги надигра Магдебург со 38:36 и Фуксе Берлин со 40:33.
Второто полуфинале е меѓу Барселона и Веспрем.
Дополнително ќе се знае сатницата на овие средби во „Ланксес Арена“ во Келн.
