Млад бек од Тунис го засили Еурофарм Пелистер 2

Ракометарниот клуб Еурофарм Пелистер 2 од Битола соопшти дека ангажира ново засилување, а станува збор за талентираниот бек од Тунис, Мохамед Азис.

Азис доаѓа во редовите на екипата од Битола и веднаш ќе му се стави на располагање на тренерот Александар Зарков во Првата лига.

-Нашето ракометно семејство е побогато за уште еден млад член. Еден од најталентираните туниски ракометари, Мохамед Азис Бен Мафуд, е нов член на Еурофарм Пелистер 2. Се работи за лев бек, висок 195 сантиметри и тежок 95 килограми. Мафуд има 21 година и доаѓа во Македонија од Клуб Американ од Тунис. Последната сезона ја мина на позајмица во Грмда, соопшти Пелистер.