Со одиграување на денешниот ракометен натпревар, вечното дерби на македонскит ракомет Еурофарм Пелистер од Битола и Вардар од Скопје, завршува ракометната сезона и плеј-офот во Суперлигата, а ќе се знае и дали остануваа “пелистерци“ шампиони на Македонија или титулата од Битола по две години се сели во Скопје.
Натпреварот ќе биде вистински ракометен спектакл, влезниците се распродадени, а на трубините ќе бидат двете навивачки групи, “Чкембари“ кои во голем број веќе се на пат кон Скопје и домаќините “Комити“.
Се очекува борба на теренот, но и “борба“ на трибините.
Инаку, Вардар и Еурофарм Пелистер имаат по 19 бода во плеј-офот. Вардар е во мала предност, станува шампион со “реми“, но Пелистер со победа поубаво ќе ја прослави титулата.
Фаворит во дерби натпревар практично и да нема, сите опции се отворени и останува да видиме како ќе се покажат скопјани и битолчани во „вечното“ дерби, во СЦ „Јане Сандански“ во 19:30 часот.
