По повод шест години од постоењето на билјард клубот “Кај Петчи и Панчо“ во Битола како и секоја година, на празникот “Богородица“, традиционално се организира турнир во билјард.
На турнирот учествуваат скоро сите најдобри играчи од Македонија, а се играше нај играната дисциплина во светот, популарно наречена “9-ка“. Бројот на играчи беше ограничен на 16 мина, а турнирот е своевидна увертира на продолжение на билјардската сезона после кратката летна пауза.
Турнирот помина во опуштена атмосфера но мечевите беа и тоа како сериозни и беа видени многу квалитетни мечеви.
Најдобар беше битолчанецот Тони Петровски кој после маестралната игра и чистите 5:0 во полуфиналето, собра сили и концентрација и го победи изразитиот фаворит во финалето, во тој момент македонскиот најдобар играч 15 години возрасниот Андреј Ѓурчиновски, освојувач на бронза од Европското првенство за јуниори во Хил Хил завршница со 6:5.
Полуфиналисти беа и Стефан Гермов од Прилеп и Тино Бојаџиев од Битола.
Домаќинот традиционално имаше подготвено роденденска торта и сите играчи му посакаа многу јубилеи.
