Вардар – Еурофарм Пелистер 31:28 (16:14)
Ракометарите на Еурофрм Пелистер од Битола се поразени во вечното дерби од тимот н Вардар 1961 во Скопје, во натпревар кој им понуди на публиката во салата и телевизијата по голема борба на секоја педа од теренот и драма. Вардарци победија со 31:28, полувреме 16:14.
Натпреварот започна со водство на Пелистер, но “ардарци“ прво дојдоа до 3:2, а потоа и на +3 (5:2). “Пелистерци“ по тајм аутот намалија на 6:5, а Борозан беше исклучен откако го удри Кузмановски в лице. Вардар дојде до 8:5 и 11:8, а Пелистер повторно се врати на -1. На одмор се замина со 16:14.
Во вториот дел, првите минути се играше и гол за гол, но потоа следуваше мини-серија на гостите од 0:3 за израмнување (18:18), а следуваа два гола на Вардар, и пак нерешено. По одбраната на Митревски Пелистер не реализира напад за прво водство по долга пауза. Потоа со три гола Вардар дојде до 24:21. Во следните минути се играше со одбрани на голманите и грешки на тимовите, но и ново водство на Вардар 26:23 и напад за +4. Хосни погоди за 27:25 во 54. минута, а потоа беше и само гол предност за скопјани 28:27. Валах му одбрани пенал на Манасков, следуваше гол вреден победа на Талески.
Најдобар стрелец во дербито беше Дејан Манасков кој реализира девет пати за поразениот тим.
