Утре во спортската сала “Боро Чурлевски“ во Битола екипата на Еурофарм Пелистер ги продолжува натпреварите во Лигата на Шампиони, по репрезентативната пауза.
Противник на домашните ракометари е тимот на ПИК Сегед, а за овој претстоен натпревар зборуваше голманот на Еурофарм Пелистер, Саид Хаидарирад, кој врати во тимот после повредата на задната ложа. Суперлигата,
Голманот Саид Хаидарирад зборуваше за тешкиот дуел против Унгарците и најави дека очекува добар резултат и очекува гостите повторно да бидат сведоци на пеколната атмосфера во салата „Боро Чурлески“.
-Се вратив бргу, најмногу благодарение на медицинскиот тим, кој заврши одлична работа. Повредата е минато, сега се фокусираме на мечот со ПИК Сегед. Очекувам добар резултат и со голем оптимизам го очекуваме дуелот. На сите противници им е тешко во пеколната атмосфера пред нашите гледачи. Нашиот дом е тешко освоив за сите ривали, а тоа ќе го докажеме и на следниот натпревар против Сегед. Мислам дека сме на добар пат, одлично тренираме, тимот е расположен и се наоѓа во позитивен моментум. Не го гледав дербито во Унгарија помеѓу Веспрем и ПИК Сегед затоа што и ние игравме во истиот термин, но од тоа што чув, следниот ривал прикажал извонредна игра. Таму има многу добри и искусни ракометари, затоа мора да сме свесни дека овој меч ќе биде исклучително тежок за нас“, изјави Хаидарирад.
Натпреварот против ПИК е со почетокот во 20:45 часот.
