Пелистер – Македонија ЃП 1:1 (0:1)
Попладнево во Битола на стадионот “Петар Милошевски“ фудбалерите на Пелистер ремизираше со Македонија ЃП и освои само бод, во возбудлив натпревар со многу шанси на двете страни. “Пелистерци“ создадоа голем број на шанси за гол, од кои само една заврши во гостинската мрежа, а за жал еден удат на гостите кон голот по грешка на голманот заврши во домашната мрежа.
Отворањето на натпреварот во Битола го одбележаа две шанси за гол на двете страни. Голманот на Пелистер Јовчевски со фантастична интервенција му одбрани зицер на Еступињан, а на спротивната страна Керим, кој не ја зафати топката најдобро и одбрани Јанков.
Во 17. минута Македонија ЃП поведе по голема грешка на домашниот голман Јовчевски, по ударот на Пецов, а топката помеѓу рацете на Јовчевски заврши во мрежата за 0:1. По само две минути Петар Петковски биеше за малку непрецизно со глава. Булатовиќ трипати се најде во шанса за гол, но на одмор гостите замина со гол предност.
Второто полувреме започна со две шанси Џангаровски кој е роден 2009 година, а следуваше шансата на Мартиновски. Но кога гостите имаа иницијатива “пелистерци“ израмнија. Белиќ центрираше, Ристиќ биеше во Јанков, но на одбиената топка налета Булатовиќ и погоди за 1:1. По израмнувањето првата шанса ја имаше Стоилов за Македонија, а Марјан Ристовски биеше во рамката на голот на гостите.
Во самиот финиш главниот судија Фатмир Бафто покажа на белата точка за домаќинот по стартот врз Стојановски, но по долгите прегледи во ВАР собата беше повикан да ја прегледа ситуацијата и откако го направи тоа ја поништи својата одлука и топката му ја додели на гостинскиот тим. ВАР одново се активираше во 91. минута, кога Еступињан го совлада Јовчевски, но погоди си помош на недозволена ситуација.
Сашо Ристевски
