Изложбата „ВЕЧИТО – Богдан Богдановиќ“ ќе биде поставена до крајот на јаниари во Завод и музеј Битола

Поради големиот интерес на јавноста, изложбата „ВЕЧИТО – Богдан Богдановиќ“ во Заводот и Музеј во Битолa беше продолжена до крајот на јануари. Авторката на изложбата, историчарка на уметност од Белград, Маре Јанакова Грујиќ, ја организира оваа ретроспектива по 16-ти пат во регионот, заокружувајќи ја посетата на Македонија во текот на 2025 година.Д-р Ирена Ружин од Завод и музеј спроведе 20 креативни работилници за деца и млади во текот на месеците ноември и декември, низ кои поминаа околу 400 учесници, меѓу кои и деца со попреченост. Едукативните и инклузивни работилници продолжуваат и во јануари!До крајот на месецот, посетителите ќе можат да го гледаат долгометражниот филм на авторот за делото на Богдановиќ видено од земјата и од небото, кој неодамна беше прикажан во Српскиот културен центар во Париз. Автор на филмот е Предраг Новаковиќ.Проектот „ВЕЧИТО – Богдан Богдановиќ“ е авторски проект на Центарот за истражување и валоризација на архитектонското наследство ВАМ од Белград во соработка со бројни партнери од регионот: Уметничката галерија на Босна и Херцеговина, Историскиот музеј од Сараево, Музејот Полимља од Беран (Црна Гора), институти и музеи од Прилеп и Штип итн.Спонзор на проектот е Балканската мрежа на музеи преку грантот Хедли.