Утре во Битола, екипата на екипата на Еурофарм Пелистер го игра последниот натпревар на домашен терен од групната фаза од “Б“ групата.
Пред натпреварот против ПСЖ во Битола говореше Петар Атанасијевиќ кој вети голема борба во последниот домашен меч од Лигата на шампионите, иако пелистерци немаат шанси за прогрес во нокаут-фазата.
-Ова за нас е последен домашен меч за нас во Лигата на шампионите. Ќе дадеме се од себе и ја повикувам публиката во што е можно поголем број да ужива во натпреварот. Добро се чувствуваме сите, немаме повредени играчи, сите сме во добра хемија и се надевам тоа ќе го префрлиме на терен. Ни следи тежок и напорен меч, но ние ќе играме до крајот, изјави Атанасијевиќ.
Натпреварот меѓу Еурофарм Пелистер и ПСЖ во Битола се игра на 4 март со почеток од 20:45 часот.
