Валандово синоќа повторно беше центарот на македонската песна, традицијата и музичката емоција. На големата фестивалска сцена беа изведени 20 нови композиции, создадени за 39. издание на најреномираниот македонски фестивал за новокомпонирана народна музика.
На сцената оживеа македонската песна во своето најубаво издание, а публиката уште еднаш покажа дека Валандово е градот на музиката, традицијата и безвременските мелодии. Учесниците донесоа нова енергија, современ звук и песни кои ќе останат да се пеат. Вечер исполнета со музика, емоции и моменти за паметење.
Во прекрасна фестивалска атмосфера, вечерва беа прогласени победниците на Фолк Фест Валандово 2026, а награда за најдобра песна му орипадна на “Градче мое убаво“ – Христијан Божинов – Кико. Втора награда за “Солзи немам“ – Благица Калева, а третата награда е за “После се“ – Анета Љумаковска, Јане Динев и “Анета Бенд“.
