Во Новаци започна 14. еморијален турнир во мал фудбал “Пеце Матичевски“

Во Новаци свечено беше отворен 14. по ред меморијален турнир во мал фудбал “Пеце Матичевски“, спортска манифестација која веќе традиционално ги обединува љубителите на спортот, дружењето и фер-плејот.На свеченото отворање присутни беа членови на семејството на загинатиот бранител Пеце Матичевски, а турнирот го отвори градоначалникот на Новаци, Стевче Стевановски, кој нагласи:-Овој турнир претставува повеќе од спортски настан, тој е симбол на почит и сеќавање на прерано загинатиот војник Пеце Матичевски. Преку спортот го чуваме споменот на човек кој остави значаен белег во нашата Македонија. Им посакувам успешни натпревари на сите учесници, фер и спортска игра, а на посетителите пријатни моменти исполнети со позитивна енергија и навивање.Претходно, по повод одбележувањето на 25-годишнината од загинувањето на бранителите Влатко Миленковски, Пеце Матичевски и Благојче Силјановски, беше оддадена почит на нивната жртва и херојствома гробиштата во Новаци каде е вечниот дом на Матичевски, и кај споменикот „Ангел“ кај Саат-кулата во Битола и споменикот кај Касарната изградени во нивна чест и спомен.