Кошаркарите на Пелистер од Битола утре на домашен терен ја отвораат новата кошаркарск сезона, а според тоа како се одвиваа подготовките тие се подготвени за Суперлигата. „Зелено-белите“ во првиот натпревар ќе се сретнат со ТФТ Скопје на домашен терен.
Своите размислувања у очекувања за промоцијата на новиот тим во Битола ги изнесе капитенот Иван Сапунџиев, кој смета дека тимот е максимално фокусиран на победа и најави голема борба на паркетот.
-Подготвителниот период заврши. Работевме напорно овие месец ипол и спремни сме за почетокот на сезоната. Одиме максимално фокусирани. Со борба и енергија на тимот се надевам дека добро ке ја отвориме сезоната – со победа на домашен терен овде во Битола, рече Сапунџиев.
Натпреварот помеѓу Пелистер и ТФТ Скопје ќе се одигра утре, 4 октомври, а почетокот е закажан за во 19:00 часот.
