Деновиве пред 10 години: пожар кај Лисолај, интервенираа два армиски хеликоптери (фото)

-Пред 10 години имаше пожар кој за малку ќе го зафатеше село Лисолај на 15-тина колометри од Битола. Пожарот треше скоро четири дена, а третиот ден интервенираа два армиски хеликоптери, кои полнеа вода од Стрежевското езеро. Огнот ги зафати ридовите на петте села Црнобуки, Лисолај, Лопатица, Дервеник и Беранци, започна со своите сеќавања Димче Миновски, хроничар на Битола и доајен на битолското новинарство. -Противпожарните и екипите на Дирекцијата за заштита и спасување заедно со мештаните учествуваат и мештаните, претходно два дена се обидуваа да го локализираат, а силниот ветер и непристапниот терен се дополнителни проблеми со кои безуспешно се обидоа да се справат надлежните институции, вели Миновски.Третиот ден во гаснењето на пожарот се вклучија и два армиски хеликоптери кога огнот малку недостигаше да го проголта селото Лисолај.Пожарот кај Лисолај беше најголемиот пожар со кој во 2013 година се справуваше битолската противпожарна единица.Огнената стихија започна пред два дена над селата Српци и Беранци и пеплоса огромни пространства на борова шума.90 пожарникари, лица вработени во Македонски шуми, волонтери од противпожарното друштво Пегаз беа на терен, а најголем проблем беше силниот ветер кој го прошири огнот и на боровата шума, но и на непристапен терен каде беше невозможно да се гаси со копнени сили.Поради пожарот изгореа над 100 хектари нискостеблеста шума.