Исмаил Лумановски и “NY Gypsy All Stars“ – life концерт и настап со душа и срце на терасата на “Епинал“ (фотогалерија)

Open air life концертите на терасата “Широк Сокак“ се посебно доживување како за изведувачите така и за гостите. Заради фантастичниот амбиент и простор кога бината на изведувачот е многу близу до гостите какао публика, се воспоставува таков контакт и чувства како што не може да се доживее на друго места.

Така беше и синоќа на концертот на Исмаил Лумановски и “NY Gypsy All Stars“ и нивните гости. Тие на присутните на терасата им приредија вистинско шоу со изведбите на нивните инструменти, посебно Исмаил Лумановски со својот кларинет.

Исмаил со срце и душа бравурозно изведе познати композиции меѓу кои и неколку од нивниот најнов албум.

Негови ексклузивни гости беа Вера и Оливер Јосифовски од групата “Љубојна“ и пејачката Барбара Мартинез од Венецуела. Барбара ги воодушеви присутните со својот феноменален глас и внесе шпански темперамент и латино ритам во летната ноќ.

Вера Јосифовска со својот познат глас и хитови на Љубојна во придружба со кларинетот на Исмаил Лумановски ја доведоа атмосферата до кулминација. Хитовите “Твоите очи Лено мори“, “Мори чупи Костурчанки“… ги пееја сите и во тие моменти сите играа на терасата во ритамот на џез, македонско- изворна, етно и ромска музика.

Еден незаборавен ритам кој колку и да го слушаш повторно сакаш да го слушаш.

Енергијата која ги поврза изведувачите и публиката беше единствена, а на крај сите се фотографираа со своите миленици и сите се почуствуваа како свои меѓу своите.

Тоа може да се доживее во фантастичниот амбиент на life концертите на тераса “Широк Сокак“.
[ngg_images source=”galleries” container_ids=”189″ display_type=”photocrati-nextgen_basic_thumbnails” override_thumbnail_settings=”1″ thumbnail_width=”240″ thumbnail_height=”160″ thumbnail_crop=”0″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]