Деновиве пред 10 години: меморијален турнир во мал фудбал “Сашо Палашовски – Палаш“ на угостителските локали од Битола

Меѓу големите спортски настани кои се одржуваат во Битола пред 10 години, се одржа еден мал, но голем настан, во кој се покажа емотивната страна на битолчани. Млади битолчани одиграа во спортската сала “Младост“ меморијален турнир во мал фудбал, насловен
“Сашо Палашовски – Палаш“, на кој настапија шеснаесет екипи на битолските угостителски локали, започна со своите сеќавања Димче Миновски, хроничар на Битола и доајен на битолското новинарство.Иницијативата беше од ноќниот клуб “Расчекор“, каде беше вработен Палашовски, кој пред една година, во 2012 година, трагично настрада во сообраќајна несреќа, а тоа беше поводот најголем број битолски локали учествуваа во овој турнир, рече тогаш, МариоТрифуновски на отворањето на турнирот.На отворањето настапија екипите на ветераните на ФК Пелистер од една страна и познати битолски спортисти на другата страна.