Деновиве пред 10 години: победи на изборите на Ѓорѓе Иванов и коалицијата на ВМРО-ДПМНЕ (фото)

-Пред 10 години истовремено се одржаа предвремени парламентарните и претседателски избори, а на нив проф. д-р Ѓорге Иванов беше старо-новиот претседател на Република Македонија, а лидерот на ВМРО-ДПМНЕ Никола Груевски по победата беше старо-новиот мандатор за формирање на новата влада, започа со своите сеќавања Димче Миновски, хроничар на Битола и доајен на битолското новинарство.На претседателските избори проф. д-р Ѓорге Иванов освои над 534.699 гласови, додека Стево Пендаровски заостана за над 130.000 гласови и освои 398.050 гласови.На предвремените парламентарни избори ВМРО – ДПМНЕ и коалицијата “За
подобра Македонија“ освоија над 62 мандати, а СДСМ и коалицијата “Сојуз за иднината“ освои 34 пратенички места.Владејачката ВМРО-ДПМНЕ славеше убедлива победа на претседателските и предвремените парламентарни избори и во Битола, а во петата изборна единица освои дури
12 мандати, наспроти 6 на опозицијата. Од партијата ВМРО-ДПМНЕ во македонскиот парламент беа тогашнито координаторот на ОК на ВМРО-ДПМНЕ, Зоран Илиоски и старо-новата пратеничка Лилјана Кузмановска.Од опозициската коалиција “Сојуз за Македонија“ и од СДСМ во Парламентот беа лидерот на Општинската организација на СДСМ, Васко Ковачевски и Јулијана Силјановска, а од ЛДП пратеник беше Горан Милевски, потпретседател на ЛДП.