Деновиве пред 10 години: спортистите ја покажаа својата хуманост, даруваа крв (фото)

-Голем број на спортисти во Битола покрај што дале огромни резултати во спортот тие се истакнале и како добри граѓани и големи хуманисти, помагале во разни хуманитарни акции, а и многупати дарувале крв за потребите на трансфузиологија на редовни и вонредни крводарителски акции, започна со своите сеќавања Димче Миновски, хроничар на Битола и доајен на битолското новинарство.-Една од многуте крводарителски акции беше и акцијата во ноември 2014 година која беше организирана во малата сала на спортската сала, тогаш “Младост“, а во организација на секторот за спорт при Општина Битола во соработка со Општинската организација на Црвениот крст, а во која крв даруваа професионалци, спортисти ветерани, спортски работници, спортски новинари и други граѓани, вели Миновски.Акцијата беше поддржана од страна на сите спортисти и спортски работници и навивачи, а се надеваа дека нивната хуманост ќе биде мотив повеќе и за останатите граѓани на Битола, да бидат хумани крводарители.Спортистите беа едногласни дека секогаш кога е потребно се тука, да дадат крв во секое време, а рекоа дека се надеваат дека тоа нема да биде потребно.Во крводарителската акција крв даруваа кик боксрерите Александар Димовски и Тони Бошевски, ракометарот Димитровски, мото кросистот Борче Костов, Благојче Петровски и Никола Пискачев како членови на управата на РК Пелистер, Предраг Созовски кошаркарски тренер, како и навивачи и поддржувачи на спортот.