Во Битола одбележани 153 години од раѓањето на Гоце Делчев

По повод 4 февруари, денот кога во 1872 година, во Кукуш е роден еден од најголемите македонски великани, Гоце Делчев, делегации положија свежо цвеќе пред Спомен куќата на македонскиот револуционер, идеолог, организатор и водач на македонското револуционерно националноослободително движење и со тоа одбележуваа 153 години од неговото раѓање.Денешниот ден е потсетување и одавање почит на големото дело и заложба на столбот на македонската револуционерна борба.Во чест на денешниот ден, свежо цвеже положи градоначалникот Тони Коњановски и претставници на Советот на Опптина Битола, а Коњановски кој притоа рече:-Делото на Гоце Делчев е дело кое заслужува вечна почит, но истовремено не обврзува и не насочува кон она што мора да бидат нашите чекори во денешнината со кои ќе ги почитуваме и негуваме нашите јазик, култура, писмо и традиција, продолжувајќи со работа и посветеност за иднината на Македонија.Цвеќе положија и претставници на Советот на општина Битола, претставници на ВМРО-ДПМНЕ од Битола предводена од претседателот на Општинскиот комитер Битола и пратеник Пеце Милевски, пратеничката Олга Лозановска и потпретседателот Горан Исков, како и нивните унии и членови на Патриотскиот унститут “Гоце Делчев“ од Битола.И претставници на СДСМ Битола и претставници на Сојузот на борци од Битола, полож9ја цвеќе на бистата на спомен куќата на Гоце Делчев во Битола, како и членови на ансамблот “Гоце Делчев“ од Битола.