Пелистер – Беса 1:4 (0:2)
Фудбалерите на Пелистер се поразени во Битола убедливо од гостинска екипа Беса во последното 33. коло во ПМФЛ, од тимот на Беса која ја предводеше Горазд Михајлов со резултат 1:4, полувреме 0:1.
Резултатски натпреварот беше отворен со голот на Арлинд Алими во 14. минута по дефанзивна грешка. Следуваше обид на “пелистерци“ за израмнување, а најзрелата шанса ја имаше Љамчевски кој нафрли од слободен удар, некој во гужвата ја допре топката и таа заврши во рамката од голот, а одбиената Захов ја исфрли преку пречката. 
Наместо гол за реми “падна“ гол за 0:2, Ремзифаик Селмани излета пред голот и реализира во 26. минута, а со тој резултат се отиде на одмор.
Второто полувреме започна со нов гол на Беса за 0:3. По еден прекин Фетаи дојде до шанса, а по одбрана на Јовчевски топката во голот ја смести Арсим Љамалари во 49. минута.
Пелистер негативата од -3 ја намали преку Захар Тарасенко кој во 63. минута го матира Захов за 1:3. Шанса за гол и намалување на 2:3 имаше Такахара, но неговит прецизен удар гостинскиот голман го одбрани и топката заврши во корнер.
Точка на победата и 1:4 стави Хисар Али, во 75. минута.
По 33. кола и крај на сезоната екипата на Пелистер има освоено 39 бода и завршува на 6. место. Пелистер победи на 10 натпревари, 9 одигра нерешено, а е поразен 14 пати. Гол разликата на Пелистер е -12, постигна 26, а прими 38 гола.
