Се одржа општинскиот натпревар на Битола во стрелаштво со воздушна пушка за ученици , најдобрите се пласираа за државно

Во организација на Сојузот на училишен спорт Битола во стрелиштето на градскиот стрелачкиот клуб Пелистер се одржа општински натпревар по спортско стрелаштво со воздушна пушка 4,5 м.м. калибар, а натпреварот беше организиран по повод 4. Ноември – Денот на ослободувањето на Битола.На натпреварот учество зедоа ученици вкупни 55 основци и средношколци од основните и средните училишта во Битола.Во женска конкуренција, кај основните училишта прва е Сара Саздовска од ОУ “Коле Канински“ со 57 круга, второпласирана е Надја Атанасовска од ОУ “Св. Климент Охридски“, а на трето место е Сара Бојковска од ОУ “Тодор Ангелевски“ од Битола.Во машка конкуренција кај основците победник е Димитат Каровски од ОУ “Тодор Ангелевски“ со 75 круга, второпласиран е Никола Кукановски од ОУ “Елпида Караманди“, а на трето место е Дамјан Кулевски од ОУ “Коле Канински“.Кај средношколците во женска конкуренција победничка е Теодора Христова од “Таки Даскало“ со 7у круга, втора е Антонија Гајтановска од медицинското училиште “Д-р Јован Калаузи“, а на трето место е Лела Стојановска од истото училиште.Во машка конкуренција кај средношколците победник е Вања Арсиќ од гимназијата “Јосип Броз Тито“, на второ место е Михаил Русевски од техничкото “Ѓорги Наумов“, а на трето место Андреј Вељановски од економското “Јане Сандански“.Претседателот на Сојузот за училишен спорт од Битола, Михајло Трампевски за ова натпреварување рече.-Ова е традиционален натпревар во стрелаштво кој се организира согласно календарот за натпревари за училишен спорт. Имавме голем број на пријавени натпреваривачи, сите добро стрелаа и резултатите се одлични. Сите победници ќе настапат на Државното првенство кое ќе се одржи на 1 декември во Скопје, од каде очекуваме добри резултати.Во организацијата на натпреварот беа вклучени наставниците и професорите, како и тренерите и судиите од ГСК Пелистер -Битола.