Аплицирај, плати и заврши се онлајн, без чекање и шалтери, е пораката која денеска од плоштадот „Магнолија“ во Битола ја пратија министерот за дигитална трансформација Стефан Андоновски и градоначалникиот на Битола, Тони Коњановски, во рамките на кампањата за промоција на националниот портал за електронски услуги uslugi.gov.mk.
Граѓаните беа запознати со електронските услуги на администрацијата, за компаниите за потврди за стаж и вработување, потврди за неосудуваност, услуги од Агенцијата за храна, граѓаните пак за тоа како да извадат изводи, уверенија, потврди, лични карти, патни исправи и услуги од Катастар.
Министерот Андоновски зборуваше за резулатите во изминатата година и половина.
-За една и пол година го дуплиравме бројот на корисници на порталот. Ако наследивме портал со 120.000 корисници денеска порталот има близу 240.000 корисници, што покажува голем интерес на граѓаните за електронскте услуги, рече министерот Андоновски.
Градоначалникот на Битола,Тони Коњановски кажа дека изминатите три-четири години локалната самоуправа интензивно работи на дигитализацијата на Општината, а фактите зборуваат дека Општина Битола е една од поактивните на државно ниво.
-Дел од активностите кои ги имаме се во делот на ГИС системот, информатички систем кој дава услуги во делот на градежништвото, урбанистички планови и ткн. и ДМС системот кој го воведовме, се уште го храниме со информации и фактички сето она што влегува како барање од граѓаните мора да помине низ тој систем, тоа е меѓусебна комуникација меѓу вработените, меѓу секторите во Оштината, рече Коњановски.
Градоначалникот на Битола вели дека сега нема зафрлен предмет, ниту пак предмети во фиока, така што се следи патот на давањето на услугите. Коњановски го спомена и делот на плаќањето и увидот во даночната политика и даноците, Општината ја дава можноста електроски тоа да го прават граѓаните, особено значајно е и за дијаспората што беше едно од нивните барања, од странство да си ги регулираат обврските овде.
На промоцијата присутен беше и претседателот на Советот, Бојан Бојкоски и пратеничката Олга Лозановска.
