Уште една меѓународна компанија го насочува своето внимание кон Битола. Rush Entertainment е во завршна фаза на подготовка за отворање на своја канцеларија во градот, со што ќе се создадат нови можности за вработување и професионален развој на локалниот кадар.
Компанијата веќе има изграден тим од повеќе од 30 вработени од Македонија, а со отворањето на новите канцелариски простории во Битола се очекува дополнително проширување и отворање на нови работни позиции.
Според Алтина Јусуфи, менаџер на компанијата во Македонија, одлуката за инвестиција во Битола е донесена поради потенцијалот што го нуди градот и квалитетот на локалниот кадар.
„Битола располага со многу талентирани, амбициозни и професионални луѓе. Токму затоа ја избравме како локација за нашата нова канцеларија. Нашата цел е да изградиме силен локален тим и да создадеме долгорочни можности за професионален развој“, вели Алтина.
Rush Entertainment работи со меѓународни тимови и професионалци од различни земји, а фокусот на компанијата е насочен кон создавање модерна работна средина која поттикнува развој, соработка и напредување на вработените.
Подготовките за новата канцеларија се во тек, а од компанијата најавуваат дека Битола ќе има важна улога во нивните идни планови за раст. Отворањето на канцеларијата претставува позитивен сигнал за локалната економија и уште една потврда дека градот станува атрактивна дестинација за меѓународни компании.
Заинтересираните кандидати можат да се информираат за отворените работни позиции преку официјалната страница на компанијата:
Rush Entertainment Careers(!)
Со амбициозни планови, растечки тим и претстојно отворање на канцеларија во Битола, Rush Entertainment најавува ново поглавје кое може да донесе дополнителни можности за младите професионалци од регионот.
