“Светскиот ден на поезијата” одбележан во “Горната гимназија” (фото)

Со поетско читање на дела од македонски автори на тема ,,љубов” во гимназијата ,,Јосип Броз Тито” – Битола, на пригоден начин беше одбележан 21 Март – ,,Светскиот ден на поезијата”.На литературното читање се претставија учениците од II-6, кои својот час со класниот раководител Жанета Наумовска го одржаа во училишната библиотека.Песните од познатите, македонски автори на современа поезија ги читаа: Јована Чуруковска, Наталија Марчевска, Бесјона Јусуфи, Ангела Николовска, Костанца Споа и Сара Стојановска, а настанот го водеа Јована Станојовска и Анастасија Арсова, кои од своите соученици добија громогласен аплауз.За значењето на поезијата беше презентирана аудио снимка од Влада Урошевиќ, а за успешноста на овој поетски настан, на присутните им се обрати и училишниот библиотекар м-р Драган Ристевски, кој на сите учесници им подари книга за сеќавање на овој ден.Сара Стојановска