Деновиве сме сведоци на немили појави кога младите дрвца или украсни дрвца кои се засадуваат на повеќе места се корнат – крадат, за да се насадат од јавни во приватни површини, а оваа појава не е од вчера, туку е постојана.
Деновиве наспроти училиштето “Тодор Ангелевски“ едно запуштено место беше облагородено, исчистено, искастрени дрвја, засадени нови, заградено колку да не се паркираат автомобили.
Жителите знаејки дека ќе има кражби на дрвцата, ги заштитуваат со клетви и колнење, а на голем картон напишаа: да му се исушат и рацете и нозете на тој што ќе чепне или украде дрвце.
Дали клетвите ќе ги зачуваат новозасадените дрвца ќе видиме.
