Засадени дрвца во градинките на „Естреја Овадија Мара“ во спомен на изгубената Еврејска заедница во Битола

Денеска во дворовите на на деветте детски градинки на Јавната општинска установа за деца „Естреја Овадија Мара“ беа посадени 11 дрвца. Со овој чин, проектот „Еврејски гробишта-Битола“ кој го реализира Здружението за одржлив урбан развој АРХАМ, Битола заедно со партнерите од Израел и од земјата, ја одбележуваат  78-годишнината од исчезнувањето на Еврејската заедница на Македонија.Настанот во Битола е дел од меѓународната акција да се засади по едно дрвце за секој наш сограѓанин кој настрада во огновите на Холокаустот. Садењето дрвцата е во оваа детска греадинка затоа што веќе 60 години го негува споменот на младата битолчанка, народниот херој Естреја Овадија –Мара.-Во духот на годинашната комеморација на 11 март, денот на Холокаустот на Евреите од Македонија, започнуваме со садење на зимзелени дрвца, вкупно 11, во спомен на 11 март од Битола. Никогаш повеќе Холокауст, омраза, заблуда, нека биде љубов меѓу луѓето и внимание за сите. Ќе го одржуваме овој дух се додека новата реалност не ни дозволи повторно да ги поканиме гостите од цел свет и да садиме заедно, рече Марија Герас Дочовска, раководител на проектот „Еврејски гробишта-Битола“.