Библиотеката од Битола ги претстави ромските бајки во Атина (фото)

Претставници на НУ Универзитетската библиотека од Битола, во Атина, Грција, учествуваа на партнерскиот состанок во рамки на стратешкото партнерство “Sasas Jekhvar Jekh – Once upon a time…“. За време на состанокот ги презентираа ромските бајки кои беа собрани од мултиплаерите кои беа тренирани во сите партнерски земји.Потоа, учесниците започнаа да ги категоризираат бајките во однос на видот (на пр. животинска бајка, анегдота, магична приказна и.т.н.) и на главните ликови, моралот, пораките и сл. Оваа задача ќе биде финализирана во следните недели.Врз основа на категоризацијата, ќе биде воспоставено рангирање за да имаме краен избор на бајките кои ќе бидат вклучени во Европската книга на ромски бајки, која сакаме да ја развиеме во следниот проект. Сега сме во исчекување на следниот партнерски состанок кој ќе се случи во Бугарија во септември.