Гоце Гецовски победник на брзопотезниот шаховски турнир “Пелагонија 21“

Во Офицерскиот дом во Битола се одржа турнирот во брзопотезен шах, организиран од страна на шаховскиот клуб “Стево Патако“ од Битола и шаховскиот клуб Прилеп, кој носеше наслов “Пелагонија 21“.Брзопотезниот шаховски турнир го отвори Градоначалникот на Општина Битола, Тони Коњановски, а на шахистите и присутните во салата им се обрати претседателот на шаховскиот клуб “Стево Патако“ од Битола, Сашко Павловски.Првото место на турнирот го освои битолчанецот Гоце Гецовски, второто Кире Николоски од Прилеп, а третопласиран е Дејан Ѓоргески од Прилеп.  Најдобро пласиран играч до 18 години е Марјан Христовски од Битола.Натпреварите во шах се одиграа на систем 9 кола “швајцарски систем“ според ФИДЕ правилата за брзопотезен шах каде играчите добиваа по 5 минути со додаток 3 секунди по потег.